SYI'IRAN SHOLAT

SEJARAH SHOLAT

v  Naliko isro’ Kanjeng Nabi ningali *

Wong ngepruk sirahe dewe bula-bali

v  Ngepruk pulih- ngepruk pulih sak teruse *

koyo ngono ora leren sak lawase

v  Kanjeng Nabi nuli matur lan ngendiko *

Kados pundi tingkahe tiyang puniko

v  Malaikat Jibril nuli jawab cwtho *

Puniko tepo tulodho lan sasmito

v  Contonipun tiyang kober waras gagah *

Ing sholate tansah keset ngroso wegah

v  Maring sholat sak geleme lan nggegampang *

krungu pengundange sholat malah nyimpang

SHOLAT DADI SIRAHE KABEH AMAL

v  Kanthi Isro’ mi’roj kang dadi sejarah *

Inkang sarwo mengku pitutur wewarah

v  Kito biso faham lan nompo isyarah *

Yen ibadah sholat iku dadi sirah

v  Sirah iku dadi juz kang luwih mulyo *

Luwih luhur katimbang anggota liyo

v  Sebab sirah duwe rahi irung mripat  *

Lisan kuping poco idro ingkang papat.

v  Mulo rahi minongko dadi imame *

Anggota liyane kang dadi ma’mume

v  Kang dadi dalile lamun arep wudhu *

Rahi dadi kawiitane  masuh fardhu

v  Pengucape tutuk biso nuntun ati *

Maring ibadah kang wajib den niyati

 v  Rahi iku ugo duwe sifat khusus *

Lamon wadon sifat ayu lanang bagus

v  Ora ono wong ngucap ayu dengkule *

Ora ono wong ngalem ayu wudele

v  Rahi dadi pusat penyawang sirah *

Rahi ayu kang podo dadi pengarah

v  Sebab rahi dadi sasarane moto *

Weruh rahi ayu biso thukul bronto

v  Mulo wadon kang rumongso den delengi *

Tansah ngelus elus rahi awan bengi

v  Ngila-ngilo pengilone ngarep mburi *

Setif lambe pupur wedak ora keri

v  Olehe noto gelung ora mung sedelo *

Lamon iseh menceng duwe roso gelo

v  Tansah ngudi lan gawe indahe rupo *

Supoyo di demeni sarto di tompo

v  Yen rahine di demeni sebab ayu *

Awak kabeh iku melu katut payu

SHOLAT IKU DADI KAWITANE LANDRAT

v  Koyo iku dadi tulodho sorahe *

v  Tumrap ibadah sholat dadi sirahe

v  Kawitane hisab landrat iku sholat *

v  Dipun soal mergo opo nganti telat

v  Wongkang nggegampang sarto rusak sholate *

v  Bakal dadi abot ing kabeh landrate

v  Yen sholate ketolak ora di tommpo *

v  Kabeh ketolak amal kang rupo-rupo

v  Yen ketompo bakal nompo ing ganjaran *

v  Kekurangan dingapuro ing Pengeran

 SHOLAT MADEP NENG PENGERAN

v  Amal wajib direkso dijogo *

v  Lamun sholat wajib tandang kang prayogo

v  Sholat iku madep ing ngarso Pengeran *

v  Mulo kudu adab sarto netepi aturan

v  Kudu khusyu’ wedi ing lahir bathine *

v  Kudu eling ma’nane kabeh wacane

v  Ojo nganti keno redo keno goda *

v  Wektu sholat ngeling-eling bondo dunyo

v  Perkoro dunyo di tinggal babar pisan *

v  Ojo eling yen iseh ninggal tegesan

v  Ojo mikir yen lagi akeh butuhe *

v  Ojo mikir kinang lan gambir suruhe

v  Kudu rumongso yen Allah tansah ningali *

v  Lahir bathin dinilai lan den bijeni

v  Syarat rukun kabeh wajib den tetepi *

v  Perkoro kang wajib sunnah den lengkapi

v  Sunnah iku tumrap mangan koyo lawuh *

v  Tambah seger nganggo jangan kanti duduh

WAJIB NGAJI LAN MULANG BAB SHOLAT

v  Lamun bodo wajib ngaji nyuwun warah *

v  Yen wus pinte wajib mulang musyawarah

v  Yen rumongso Pengeran tansah ningali *

v  Ora bosen ngaji sholat bola-bali

v  Sebab ngaji iku dadi pengilone *

v  Bener luput bakal ngerti klakuane

v  Koyo wongkang ngilo ing koco gadahane *

v  Supayane weruh cacat ing sirahe

v  Lamon ngilo biso pupuran kang roto *

v  Olehe gelung biso luwes lan temoto

v